عەتا قەرەداغی
 | ئەمە ژیاننامەی کەسایەتییەکە کە زیندووە و پێویستی بە سەرچاوەی زیاترە بۆ سەلماندنیبوون. (فێربە کەی و چۆن ئەم داڕێژەیە لابەریت) |
عەتا قەرەداغی | |
|---|---|
| لەدایکبوون | ٣٠ی کانوونی یەکەمی ١٩٧٣ |
| نیشتەجێی | سلێمانی |
| نەتەوە | کورد |
| پیشە | گۆرانیبێژ |
| چالاکبوون | ١٩٩٢–ئێستا |
| مناڵ(ەکان) | ٣ |
عەتا محەممەد عارف ناسراو بە عەتا قەرەداغی (لەدایکبووی ٣٠ی کانوونی یەکەمی ١٩٧٣ لە سلێمانی، عێراق) گۆرانیبێژێکی کوردی خەڵکی سلێمانییە، کە بە کوردیی ناوەندی گۆرانیی وتووە.[١][٢][٣]
سەرەتای ژیان[دەستکاری]
عەتا قەرەداغی لە ساڵی ١٩٧٣ لە شاری سلێمانی لەدایک بووە و ئامادەییی پیشەییی لەوێ تەواو کردووە. لەپاڵ خوێندن و حەزی بۆ گۆرانیبێژی، لە بازاڕ ئیشیشی کردووە. بە وتەی خۆی، خوێندنەکەی لەو ئاستە نەبووە کە خۆی ویستوویەتی، بەڵام لە ھونەرەکەی ڕازییە. سەرەڕای ئەوانەش، سەرقاڵی ئیشی بازرگانییە.[١] عەتا ھاوسەرگیریی کردووە و خاوەنی دوو کوڕ و کچێکە.[٢][٣]
پیشە[دەستکاری]
عەتا لە ساڵی ١٩٩٢ لەڕێگەی ئەنوەر قەرەداغییەوە دەستی بە کاری ھونەری کردووە و ھەر لەو ساڵە یەکەم گۆرانیی خۆی بەناوی پەیمان لە کەناڵی گەلی کوردستان بڵاو کردووەتەوە، بەڵام بەو شێوەیە نەچووە ناو خەڵک. دواتر لە ١٩٩٣ لەگەڵ ئەنوەر قەرەداغی و لە ھەمان کەناڵ دووەم گۆرانیی بەناوی ئازیز ئەمشەو بڵاو کردەوە کە ئەمەیان ناوبانگێکی بۆی پەیدا کرد.[١] ھەروەھا ھەندێ کاری لەگەڵ تیپی مۆسیقای سلێمانی کردووە. عەتا تا ئێستا تەنیا دوو ئەلبوومی بە ناوەکانی سرووتی ئەوین لە ٢٠٠٤ و جوانە لە تۆ لە ٢٠٠٨ بڵاو کردووەتەوە، کە ئەلبوومی جوانە لە تۆ لە تاران تۆمار کرا. ھەروەھا عەتا بە ئیشەکانی عەباسی کەمەندی کاریگەر بووە.[٢][٣][سەرچاوەیەکی باشتری پێویستە]
عەتا لەدوای کلیپی بیری سلێمانی ناکەی؟ ھیچ جۆرە چالاکییەکی نەما تا سەرەتای ٢٠٢٣ کە تێیدا دووبارە کلیپی بۆ گۆرانیی ئازیز ئەمشەو کردەوە.[٤][٥] عەتا وەک میوان لەگەڵ تارا ڕەسووڵ گۆرانییەکی عەلی مەردانیان بەناوی ئای چەندم خۆش ئەوێی وتەوە و لە نیسانی ٢٠٢٣ بڵاو کرایەوە. لە ئایاری ٢٠٢٤ لە بەرنامەیەکی خاک تیڤی دەرکەوت و ئاماژەی بەوە دا کە سێ چوار بەرھەمی لە بەردەستدایە، و لەکۆتاییی بەرنامەکە چووە سەر گۆڕی توانا فەرەج و چەپکەگوڵێکی خستە سەر گۆڕەکەی.[١]
دیسکۆگرافی[دەستکاری]
ئەلبوومەکان[دەستکاری]
| ژمارە | ناو | ھۆنراوەکان | ئاوازدانەر | مۆسیقا | ماوە |
|---|---|---|---|---|---|
| ١. | «غەریبی» | عەتا قەرەداغی | عەتا قەرەداغی | توانا فەرەج | ٤:٣٤ |
| ٢. | «پەشیمانی» | عەتا قەرەداغی | عەتا قەرەداغی | توانا فەرەج | ٤:٤١ |
| ٣. | «دوا دیدار» | ئیسماعیل محەممەد | ٥:٤١ | ||
| ٤. | «حاڵی دڵ» (عەتا وەک میوان) | نەوژین محەممەد | ٣:٥٠ | ||
| ٥. | «گوڵی گۆنات» | ئیسماعیل محەممەد | ٤:٣٧ | ||
| ٦. | «بەسەرھات» | ھۆزان سەرحەد سەرھەنگ ڕێبوار | ٥:٢٩ | ||
| ٧. | «بۆ کوێ ئەڕۆی» | ئەحمەد محەممەد | ٥:٤٢ | ||
| ٨. | «گولێ ب تنێ» | ئەیاز زاخۆیی | ئەیاز زاخۆیی | ٤:٠٥ | |
| ٩. | «سۆز» | ئیسماعیل محەممەد | عەتا قەرەداغی | سامان ساڵح ئەلیاس | ٨:٢٥ |
| ماوەی گشتی: | ٤٧:٠٤ | ||||
| ژمارە | ناو | ھۆنراوەکان | ئاوازدانەر | ماوە |
|---|---|---|---|---|
| ١. | «ئەشک» | ئەحمەد محەممەد | ٥:٣٤ | |
| ٢. | «عەشق» | ئیسماعیل محەممەد | ٧:١٨ | |
| ٣. | «دووری» | ٥:٠٥ | ||
| ٤. | «جوانیی ئەفسوناوی» | عەبدوڵڵا پەشێو | ٤:٢٨ | |
| ٥. | «کچی کورد» | عەبدوڵڵا پەشێو | ٤:٥٠ | |
| ٦. | «قومار» | سیمین چایچی | ٥:٢١ | |
| ٧. | «ڕۆحی خۆم» | کوردی | ٥:٢٠ | |
| ٨. | «سەردان» | کوردی | ٥:٤٨ | |
| ٩. | «تەنیا دڵم» | ئیسماعیل محەممەد | عەتا قەرەداغی | ٤:٠٥ |
| ماوەی گشتی: | ٤٧:٤٩ | |||
کلیپەکان[دەستکاری]
| ناونیشان | شیعر | ئاواز | مۆسیقا | ساڵ | تێبینی | سەرچاوەکان |
|---|---|---|---|---|---|---|
| پەیمان | مەجید نەدیم | عەتا قەرەداغی | ١٩٩٢ | یەکەم گۆرانی | ||
| ئازیز ئەمشەو | عەتا قەرەداغی | ئەنوەر قەرەداغی | ١٩٩٣ | |||
| زارا | ||||||
| نزا | ئەحمەد محەممەد | زانا مەحموود | لەگەڵ تیپی مۆسیقای سلێمانی | |||
| ھەواران | فۆلکلۆر | ئەنوەر قەرەداغی | ١٩٩٥ | |||
| خۆزگە | ئاھەنگ | |||||
| پیری | ئیسماعیل محەممەد | عەتا قەرەداغی | ||||
| سۆز | ئیسماعیل محەممەد | عەتا قەرەداغی | سامان ساڵح ئەلیاس | ٢٠٠٠ | لەگەڵ تیپی مۆسیقای سلێمانی، کە بیرۆکەی ئەم گۆرانییە لە گۆرانییەکی گۆرانیبێژی میسڕی نادیە مستەفا، بەناوی سەلامات سەلامات دروست بووە. | [١] |
| غەریبی | عەتا قەرەداغی | عەتا قەرەداغی | توانا فەرەج | ٢٠٠٣ | ||
| بیری سلێمانی ناکەی؟ | ئیسماعیل محەممەد | عەتا قەرەداغی | کاوان مەحموود | |||
| ئازیز ئەمشەو | عەتا قەرەداغی | ئەنوەر قەرەداغی | ٢٠٢٣ | دووبارەکراو | [٤][٥] |
سەرچاوەکان[دەستکاری]
- ^ ئ ا ب پ ت بەرنامەی لەیادمە بە میوانداری هونەرمەند عەتا قەرەداغی. Khaktv (لە ڕێکەوتی ٢٢ی ئایاری ٢٠٢٤). سەردان لە ڕێکەوتی ٢٤ی ئایاری ٢٠٢٤.
- ^ ئ ا ب زانا دڵشاد دزەیی. عەتا قەرەداخی: مۆسیقا و گۆرانی ھەولێر کۆپییەکی تورکیایە و گۆرانیبێژەکانیان زۆر حەز بە لاساییکردنەوەی تورک دەکەن (کوردی). chra.tv. سەردان لە ڕێکەوتی ١٣ی ئابی ٢٠٢١.
- ^ ئ ا ب یاد و یادگار لەگەڵ ھونەرمەند عەتا قەرەداغی (کوردی). Kurdistan24 Production (لە ڕێکەوتی ٢٧ی نیسانی ٢٠٢١). سەردان لە ڕێکەوتی ١٣ی ئابی ٢٠٢١.
- ^ ئ ا ئەرکان عەلی (لە ڕێکەوتی ٢٩ی کانوونی یەکەمی ٢٠٢٢). عەتا قەرەداخی گۆرانییەکی نوێدەکاتەوە و یەکەمجار لە رووداو بڵاودەبێتەوە (کوردی). www.rudaw.net. سەردان لە ڕێکەوتی ١٥ی کانوونی دووەمی ٢٠٢٣.
- ^ ئ ا عەبدولغەفار عەبدوڵڵا (لە ڕێکەوتی ٩ی کانوونی دووەمی ٢٠٢٣). عەتا قەرەداغی دەردەكەوێتەوە (کوردی). hawlerweb.net. سەردان لە ڕێکەوتی ١٥ی کانوونی دووەمی ٢٠٢٣.
